Korving på Voss Jordruksskule.

Den 25.10.05 var me på Bergsdalen skule på Voss Jordbruksskule og korva på eit Eu-godkjent kjøkken dei har der.

Då me kom til kjøkkenet, måtte me fyrst ta på oss ein kvit frakk, hette og plastsko eller kloggar. Så gjekk me inn på det eigentlege kjøkkenet. Kjøkkenet var av rust-fritt stål.

Det var berre å settje i gang å korve. Som vaksne hadde me med oss lærar Maya, to foreldre Helge Terje og Kari, og som fagmann Asbjørn Berge.

Maya delte oss i to grupper, den fyrste gruppa skulle gå til hestane på hestelinja på jordbruksskulen. Der fekk dei ri. Den andre gruppa malte opp kjøtet og korva kjøtdeigen som Asbjørn hadde med seg. Etter matpausen klokka 12, bytte me jobbar og dei som hadde korva gjekk bort til hestane. Denne gruppa fekk hente høy i trillebårer frå låven og inn i stallen.

Korvegruppa måtte blande kjøtdeigen av får, storfe og hjort til ein god deig. Me hadde hemmelege krydder og potetmjøl oppi, også ei god kraft. Alt saman vart køyrd i pølsemaskina, og kom ut att or den i tarmane me hadde tredd innpå pølsehornet.

Nokon sveiva pølsekverna, nokon knadde deig, nokon knytte for dei ferdige korvane, medan andre vaska tarmar. Også måtte nokon steike karbonadekaker av de ferdig-krydra deigen, slik at me skulle vere sikre på at korven vart god. Og kakene smakte godt.

Etter at me hadde korva våre 60 kg. kjøt og Asbjørn sine 60 kg kjøt var me utslitte. Sidan det var eit rustfritt kjøkken, spylte ned heile kjøkkenet etter at me hadde rydda oss ut. Det var kjekt!

Etter å ha jobba tre timar overtid, og klokka var 17.00, reiste me omsider heim.